ओलीले ल्याए ‘तिम्रा माताजीलाई नमस्ते’
काठमाडौं । सरोज ओली ४ बर्षपछि गायनमा फर्किएका छन् । ‘माछीले खाने खोलिको लेउ’, ‘जता जता पिरतीको बाटो’, ‘ए है माया’, ‘माया गरौँला’ लगायतका सुपरहिट गीत गाएका ओलीको आवाजमा रहेको नयाँ गीत ‘तिम्रा माताजीलाई नमस्ते’ सार्वजनिक भएको छ । ओलीको शब्द र दीपक शर्माको संगीत रहेको गीतमा भारतीय गायिका भूमी त्रिदेवीले महिलाको आवाजमा साथ दिएकी छिन् ।
किरण थापाको नृत्य निर्देशन रहेको गीतको भिडियोमा गायक ओलीको साथमा आर्यन सिग्देल, प्रियंका कार्की, कविता नेपाली, प्रेमा लाम्गादे प्रस्तुत छन् । ठूलो सेटमा खिचिएको डान्सिङ बिटमा तयार पारिएको भिडियोले दर्शकको मन जित्ने देखिन्छ । पवन सुस्लिङ्गले गीतको भिडियोको छायांकन तथा सम्पादन गरेका छन् । प्रियंकासँग ओलीले ‘हरिबहादुरको जुत्ता’ फिचर फिल्मसहित म्युजिक भिडियोमा सहकार्य गरेका छन् ।