भाटभटेनी सुपरस्टोरको २५औँ स्टोर जनकपुरमा
काठमाण्डौं । भाटभटेनी सुपरस्टोरले २५औँ स्टोर जनकपुरमा सुरु गरेको छ । बुधबार बिहान सुपरस्टोरका अध्यक्ष तथा प्रबन्धक मीनबहादुर गुरुङले स्टोरको शुभारम्भ गरेका हुन् । करिब एक बिगाहा जमिनमा खोलिएको स्टोरको शुभारम्भ गर्दै गुरुङले ग्राहकको चाहनालाई ध्यानमा राखेर स्टोर सञ्चालनमा ल्याइएको बताए ।
सीमावर्ती क्षेत्रमा भन्दा ग्राहकलाई सहज सुविधा दिनको लागि जनकपुरमा स्टोर सञ्चालनमा ल्याइएको उनको भनाइ थियो । हामीले ग्राहकको चाहनालाई नै ध्यानमा राखेर सस्तो र सहज मूल्यमा सामान उपलब्ध गराउनेछौँ, उनले भने यसअघि, वीरगञ्जमा स्टोर सञ्चालनमा ल्याइएको थियोे । गुरु«का अनुसार असोजमा झापाको बिर्तामोडमा अर्को स्टोर सञ्चालनमा ल्याउने तयारी रहेको छ ।