नेपाल लाइफद्वारा उत्कृष्ट व्यवसाय गर्ने कर्मचारीहरु सम्मानित

काठमाडौं । नेपाल लाइफ इन्स्योरेन्स कम्पनीले उत्कृष्ट व्यवसाय गर्ने कर्मचारीहरु र शाखा एवं उपशाखाहरुलाई सम्मान गरेको छ । कम्पनीले चितवनमा संचालन गरेको तीन दिने बिजनेश एक्सिलेन्स कन्फरेन्समा २१ विधामा उनीहरुलाई सम्मान गरेको हो । उक्त सम्मेलनमा देशभरिबाट सेल्स तथा मार्केटिंगमा कार्यरत २ सय ३० भन्दा बढी कर्मचारीहरुको सहभागिता रहेको थियो । सम्मेलनमा प्रमुख कार्यकारी अधिकृत प्रवीण रमण पराजुलीले गएको आर्थिक वर्षको व्यापार समिक्षा गर्दै चालु आर्थिक वर्ष २०७९÷८० मा सेल्स रणनीतिका बारेमा सम्मलेनमा जानकारी गराएका थिए । कम्पनीमा हाल कार्यरत जोन प्रमुखहरु, क्षेत्रीय प्रमुखहरु लगायत प्रधान कार्यालयका विभागीय प्रमुखहरुले सम्मेलनमा आ–आफ्नो प्रतिवेदनहरु प्रस्तुत गरेका थिए । सम्मेलनमा मोटिभेसनल स्पीकरद्वारा क्षमता अभिवृद्धि एवं सेल्स कौशलताका सम्बन्धमा प्रशिक्षण समेत दिइएको कम्पनीले जनाइएको छ ।