गरिमा विकास बैंकले पुस २२ गते बोलायो साधारणसभा

काठमाडौं । गरिमा विकास बैंकले पुस २२ गतेको लागि वार्षिक साधारणसभा बोलाएको छ । बैंकले गत आर्थिक वर्षको नाफाबाट शेयरधनीलाई दिने लाभांश पारित गर्न साधारणसभा बोलाएको छ ।
बैंकले गत वर्षको नाफाबाट शेयरधनीलाई १३ प्रतिशत बोनस सेयर र १.५ प्रतिशत नगद लाभांश दिने प्रस्ताव गरेको छ । साधारणसभाले प्रस्ताव पारित गरेपछि शेयरधनीले लाभांश पाउनेछन् ।यसको लागि बैंकले पुस ८ गते एक दिनको लागि बुक क्लोज गर्ने निर्णय गरेको छ । त्यसैले पुस ७ गते नेपाल स्टक एक्सचेन्जमा कारोबार भएका बैंकका शेयरधीले मात्र लाभांश पाउनेछन् ।