तेह्रथुम : भीषण आगलागीको कारण ७ घर जलेर नष्ट, समस्या थप जटिल बन्दै
कामठाडौं । तेह्रथुमको आठराई–६ चुहानडाँडाको हातिखर्कमा आज (शुक्रवार) भीषण आगलागी भएको छ । दिउँसोबाटै नजिकैको जङ्गलमा लागेको डढेलो गाउँमा पसेपछि समस्या थपिएको हो । हालसम्म ७ वटा घर जलेर नष्ट भएको छ भने हालसम्म आगलागी नियन्त्रणमा आउन नसकेको वडाअध्यक्ष कृष्ण बास्कोटाले जानकारी दिए ।
अहिलेसम्म आगलागी नियन्त्रणको प्रयास भइरहेपनि समाधान भने नभएको उनको भनाय रहेको छ ,। विकट ठाउँ भएकाले दमकल लैजान समस्या भएको र झाडीजंगल धेरै रहेको हुँदा आगो नियन्त्रणमा कठिनाइ स्रोतले जनाएको छ । आगलागीका कारण अझै बढी घरमा क्षति भएको हुनसक्ने उनले बताए ।
घटनाबारे विस्तृत विवरण आउन नसकेको जिल्ला प्रहरी कार्यालय तेह्रथुमले जनाएको छ ।