शुभश्री साकोसले गरायो जेष्ठ सदस्यलाई धार्मिक भ्रमण

शुभश्री बचत तथा ऋण सहकारी संस्थाको सामाजिक, सांस्कृतिक तथा खेलकूद उप–समिति र महिला उप–समितिको संयुक्त आयोजनामा जेष्ठ सदस्यहरुलाई धार्मिक भ्रमण गराएको छ । संस्थाले ६० बर्ष वा सो भन्दा माथि उमेर समुहका जेष्ठ शेयर सदस्यहरुलाई काभ्रे जिल्ला स्थित चण्डेश्वरी मन्दिर, नाला करुणामय, उग्रचण्डी भगवति र नाला गुम्वाको धार्मिक अवलोकन भ्रमण सम्पन्न गराएको हो । सो कार्यक्रम पश्चात संस्थाका अध्यक्ष ज्ञानकृष्ण श्रेष्ठले पानसमा दिप प्रज्वलन गरि भजन कृतन कार्यक्रम शुभारम्भ गरी सम्पूर्ण सहभागी जेष्ठ शेयर सदस्यहरुलाई खादा ओढाई सम्मान गरिएको थियो। उक्त कार्यक्रमका संंयोजक सुन्दर बज्राचार्यले सहभागी जेष्ठ शेयर सदस्यहरु तथा सहयोग गने सम्पूर्णलाई कार्यक्रम सफल बनाई दिएकोमा धन्यवाद ब्यक्त गरेका थिए ।