पायोनियर मोटो कर्पले ल्यायो ‘सुरक्षा प्याकेज’
काठमाडौं । पायोनियर मोटो कर्पले आफ्ना निसान गाडीका ग्राहकहरूको सुविधाका लागि ‘निसान सुरक्षा’ प्याकेज ल्याएको छ । कम्पनीको निसान किक्स र निसान म्याग्नाइट गाडीहरूका लागि आफ्टर सेल्स सेवाको रुपमा यो प्याकेज ल्याएको छ । यो प्याकेजले निसान गाडीका ग्राहकहरूलाई किफायती र सुविधाजनक सेवा पुर्याउने कम्पनीले बताएको छ ।
पायोनियर मोटो कर्पले ग्राहकको गाडीलाई उचित रूपले जाँच गर्ने उपकरण, जेनुइन स्पेयर पार्टस्, र प्राविधिक ज्ञान भएका मेकानिकहरूबाट नै सेवा पुर्याउने कुरा सुनिश्चित गर्दछ । कम्पनीको अनुसार यो प्याकेज गोल्ड र सिल्भरमा उपलब्ध छ । सिल्भर प्याकेजमा निःशुल्क इन्जिन आयल, आयल फिल्टर, ड्रेन प्लग, एयर फिल्टर, आदि समाविष्ट गरिएको छ भने गोल्ड प्याकेजमा सिल्भर प्याकेजका सबै सुविधाहरूका साथै व्हिल अलाइनमेन्ट र ब्यालेन्सिङ, ब्याट्री टर्मिनल ग्रिसिङ, कुलेन्ट र अन्य विभिन्न सुविधाहरू समावेश छन् । दुवै प्याकेजहरूमा निःशुल्क २४ घण्टे रोड साइड असिस्टेंस, बडि पार्टस् र शुल्कमा पनि १० प्रतिशतसम्मको छुट समावेश गरिएको छ । यो सेवा नेपाल अधिराज्यभरी रहेका निसानका सम्पुर्ण सर्भिस सेन्टरहरुमा उपलब्ध रहेको कम्पनीले जनाएको छ ।