सगरमाथा आरोहणमा गएका तीन गाइडको हिम पहिरोमा परेर मृत्यु

काठमाडौं । हिमपहिरोमा परेर सगरमाथा आरोहणमा गएका तीन जना गाइडको ज्यान गएको छ । आज (बुधबार) बिहान गएको हिमपहिरोमा परेर खुम्बु पासाङ गाउँपालिका–५ का तेम्वा तेन्जिङ शेर्पा, लाक्पारिता शेर्पा र बादुरे शेर्पाको मृत्यु भएको हो ।

क्याम्प–१ तर्फ जानेक्रममा पाँच हजार ७ सय मिटरको खुम्बु आइसफलमा हिमपहिरो जाँदा उनीहरूको मृत्यु भएको जानकारी दिइएको छ । मृतकको शव निकाल्न प्रयास गरिए पनि नसकिएको बताइएको छ । शव निकाल्न सिम्रिक हेलिकप्टर सो क्षेत्रमा पुगेको थियो ।