एनआरटीद्वारा एफसी खुमलटार पराजित

काठमाडौं । शहीद स्मारक ए डिभिजन लिगमा न्युरोड टिम एनआरटीले दोस्रो जित निकालेको छ । मंगलबार दशरथ रंगशालमा भएको खेलमा एनआरटीले एफसी खुमलटारलाई ३ १ ले पराजित गरेको छ । जितपछि खुमलटारलाई नै पछि पार्दै एनआरटी दशौं स्थानमा उक्लेको छ । चारै गोल दोस्रो हाफमा भएको थियो । जहाँ एनआरटीको लागि सरोज तामाङ ६५औं, सन्जिब विष्टले ८२औं र मोहित गुरुङले ८५औं मिनेटमा गोल गरे । खुमलटारका श्यामु मुर्मुले ९०औं मिनेटमा सान्त्वना गोल फर्काए । जितपछि ९ खेलबाट १० अंक जोडेको एनआरटी रेलिगेसन जोन छाड्दै दशौं स्थान उक्लेको छ । उति नै अंक रहेको खुमलटार ११औं स्थानमा झरेको छ ।