ओमानले साउदीलाई दियो ३६७ रनको विशाल लक्ष्य
काठमाडौँ । एसीसी प्रिमियर कप अन्तर्गत समुह ए मा रहेको ओमानले साउदी अरेबियालाई ३६७ रनको बिशाल लक्ष्य दिएको छ ।
टियु क्रिकेट मैदानमा टस हारेर पहिला ब्याटिंग गरेको ओमानले ५० ओभरमा ६ विकेट गुमाउदै ३६६ रन बनाएको हो ।
ओमानका लागि जतिन्दर सिंहले सर्बाधिक ८८ रन बनाएका थिए भने मोहमद नदीमले ७१, शोइब खानले ६८, कप्तान जीशान मक्सुदले ५४ रन बनाएका थिए । त्यस्तै कश्यप प्रजापतिले ५१, मोहमद खुशीले ४५ रन बनाएका थिए ।
त्यस्तै साउदी अरेबियाका बलरअतिफ उस रहमानले ३ विकेट लिए भने अब्दुल वाहिदले २ तथा अब्दुल वाहीदले एक विकेट लिएका थिए ।
जारी एसीसी प्रिमियर कपमा समुह ए मा ओमानको ३ खेलमा ४ अंक छ र साउदी अरेबियाको ३ खेलमा ३ अंक रहेको छ । यस खेलको विजेताले सेमिफाइनलमा आफ्नो स्थान सुरक्षित गर्ने छ ।