रक्षामन्त्री र महावीर पुनको छलफल सकियो

काठमाडौं । सरकार र माइतीघर मण्डलामा धर्नामा बसेका महावीर पुनबीच औपचारिक रुपमै वार्ता हुने भएको छ । उपप्रधानमन्त्री तथा रक्षामन्त्री पूर्णबहादुर खड्काले गत शुक्रबारदेखि माइतीघरमा धर्नामा बसेका पुनलाई सिंहदरबारमा बोलाएर छलफल गरेका थिए । छलफल निकै सकारात्मक भएको पुनले बताए । उनका अनुसार साँझ ५ बजेसम्म दुबै पक्षले औपचारिक वार्ता टोली बनाउने र आन्दोलनको माग पूरा गर्न सहमति खोज्ने समझदारी भएको छ ।आफूहरुसँग छलफलमा बसिरहँदा प्रधानमन्त्रीले दुई पटक उपप्रधानमन्त्री तथा रक्षामन्त्रीसँग फोन गरेको भन्दै पुनले भने, ‘भोलि कागजमा हुँदा कस्तो हुन्छ, त्यसबेला नै थाहा होला ।आविस्कार र नवप्रवर्तनका लागि बजेटको एक प्रतिशत बजेट विनियोजन गर्नुपर्ने लगायतका ४ बुँदे माग राख्दै महावीर पुनले शुक्रबारदेखि माइतीघरमा आन्दोलन गरिरहेका छन् ।