राष्ट्रपति रामचन्द्र पौडेल आज स्वदेश फर्किँदै
काठमाडौं । भारतमा उपचाररत राष्ट्रपति रामचन्द्र पौडेल ११ दिनको उपचारपछि आज् स्वदेश फर्कदै हुनुहुन्छ । नयाँ दिल्लीस्थित अखिल भारतीय आयुर्विज्ञान संस्थान एम्समा ११ दिनको उपचारपछि राष्ट्रपति पौडेल आज राति साढे ८ बजे फर्किन लाग्नु भएको राष्ट्रपति कार्यालयले जनाएको छ ।
राष्ट्रपति पौडेलको स्वास्थ्यमा सुधार आएपछि स्वदेश पलर्कन लाग्नुभएको हो । उहाँ अस्पतालबाट सिधैं विमानस्थलबाट काठमाडौं आउने कार्यक्रम छ । उहाँ नेपाल एयरलाइन्सको नियमित उडानबाट स्वदेश फर्किन लाग्नु भएको हो । राष्ट्रपति पौडेललाई त्रिवि शिक्षण अस्पतालमा उपचार गराएर थप उपचारका लागि गत वैशाख ६ गते भारत लगिएको थियो ।