धुम्बाराहीमा कांग्रेस पदाधिकारी बैठक जारी,के गर्दै छ निर्णय ?
काठमाडौं । नेपाली कांग्रेसको पदाधिकारी बैठक जारी छ । पार्टी सभापति शेरबहादुर देउवा निवासमा बैठक बसिरहेको छ ।
पार्टी नेता तथा पूर्व गृहमन्त्री बालकृष्ण खाण पक्राउ परे पछि उत्पन्न परिस्थितिका बारेमा छलफल गर्नका देउवाले आज बैठक बोलाएका हुन् ।
हिजो बसेको बैठकमा खाणका बारेमा प्रारम्भिक छलफल भए पनि उनीमाथि प्रहरी अनुसन्धान जारी रहेको र सो अनुसन्धान परिपक्व नभएको भन्दै कुनै निर्णय गरिएको थिएन । तर, आजको बैठकले खाणलाई निलम्बन गर्न सक्ने बुझिएको छ ।
पार्टीका भ्रातृ संस्थाको विस्तार, पार्टीका केन्द्रीय विभाग गठनलगायतका विषयमा पनि छलफल भइरहेको छ । यस्तै मधेस, गण्डकी, लुम्बिनी र सुदूरपश्चिम प्रदेशका मन्त्री छान्नेबारे पनि बैठकमा छलफल भइरहेको बताइएको छ ।