त्रिभुवन अन्तर्राष्ट्रिय विमानस्थल नजिक लागूऔषध काराेबारमाथि गाेली प्रहार
काठमाडौं । त्रिभुवन अन्तर्राष्ट्रिय विमानस्थल नजिक गोली चलेको छ । लागूऔषध नियन्त्रण ब्यूरोबाट खटिएको एक टोलीले लागूऔषधका कारोबारीमाथि आइतबार विमानस्थल गेटनजिकै शम्भु मार्गमा गोली प्रहार गरेको हो ।
ब्यूरोका प्रहरी उपरीक्षक एसपी चक्रराज जोशीका अनुसार लागूऔषधका कारोबारीलाई नियन्त्रणमा लिने क्रममा प्रहरीमाथि गोली चलाएपछि प्रहरी जवाफी फायरिङ गरेको हो ।
प्रहरीको फायरिङमा एक लागूऔषध कारोबारीलाई घुँडामुनि गोली लागेको छ । घाइतेलाई उपचारका लागि अस्पताल लगिसकिएको छ । उनको साथबाट केही मात्रामा लागू औषध पनि बरामद भएको एसपी जोशीले जानकारी दिए