ओमान श्रीलंकाविरुद्ध ९८ रनमा अलआउट
काठमाडौँ । आइसीसी क्रिकेट विश्वकप क्वालिफायर अन्तर्गत समुह बि मा ओमानले श्रीलंकालाई ९९ रनको लक्ष्य दिएको छ ।
टस हारेर पहिला ब्याटिंग गरेको ओमान ३०.२ ओभरमा ९८ रनमा अल आउट भएको छ ।
ओमानका लागि अयान खानले सर्बाधिक ४१ रन बनाए भने जितेन्दर सिंहले २१ रन बनाए । त्यस्तै फयाज बटले अविजित १३ रन बनाएका थिए । ओमानका अन्य ब्याट्सम्यानले दोहोरो अंकमा रन बनाउन असफल भएका थिए ।
श्रीलंकाका बलर वानिन्दु हसरंगाले सर्बाधिक ५ विकेट लिएका थिए भने लाहिरु कुमाराले ३ विकेट लिएका थिए । त्यस्तै कसुन राजिथाले एक विकेट लिए ।
जारी क्वालिफायरमा ओमानले अहिलेसम्म लगातार दुई खेल जितेको छ भने श्रीलंकाले यसअघि खेलेको एक खेल जितेको छ ।