कांग्रेसको सदस्यता अब अनलाइनबाट लिन सकिने
काठमाडौं । नेपाली कांग्रेसले पार्टीको सदस्यता अनलाइनबाट लिन सकिने व्यवस्था गरेको छ । पार्टीले सदस्यता लिने व्यवस्थालाइ सहज बनाउँदै पार्टीको वेबसाइटमा गएर सदस्यता फारम भर्न मिल्ने व्यवस्था गरिएको हो।
कांग्रेसले साधारण सदस्यता अनलाइनबाटै लिन सक्ने व्यवस्था गरेको कार्यवाहक मुख्यसचिव प्रदीप पराजुलीले बताए । उनका अनुसार क्रियाशील सदस्यता नवीकरणका लागि केही जिल्लाका क्षेत्रहरूमा फारमसमेत पठाइसकिएको छ ।
क्रियाशील सदस्यता नवीकरण पनि अनलाइनबाटै गर्ने व्यवस्थाका लागि तयारी भइरहेको उनले बताए । अनलाइनबाट भरेको फारम वडादेखि केन्द्रसम्मका ७ तहमध्ये पार्टीको कुनै एक तह समितिले स्वीकार्ने र सदस्यता दिने पराजुलिले बताए ।
वडा, गाउँपालिका, प्रदेश र संघ क्षेत्रीय समिति, जिल्ला कार्यसमिति, प्रदेश र केन्द्रीय कार्यसमिति गरी सात तहमा संगठन संरचना छ ।