फुटबल महिला विश्वकपमा स्विडेनले दक्षिण अफ्रिकालाई हरायो
काठमाडौँ । महिला विश्वकप फुटबलको आइतबार खेलिएको खेलमा स्विडेनले दक्षिण अफ्रिकालाई २—१ गोलले हराएको छ । जितसँगै स्विडेन समूह ‘जी’ तालिकाको पहिलो स्थानमा उक्लिएको छ । उक्त खेलमा तीनवटै गोल दोस्रो हाफमा भएको थियो ।
खेलमा सुरुआती अग्रता भने दक्षिण अफ्रिकाले लिएको थियो । ४८औं मिनेटमा दक्षिण अफ्रिकाका लागि हिल्दा मगाइयाले गोल गरेकी थिइन् । तर, दक्षिण अफ्रिकाले लामो समयसम्म त्यो अग्रतालाई जोगाउन सकेन् ।
खेलको ६५औं मिनेटमा स्विडनकी फिर्दोलिनाले जवाफी गोल गरिन् । खेल प्रतिस्पर्धात्मक रुपमा अगाडि बढिरहँदा अन्तिम समयमा स्विडेनका लागि अमान्डा इलेस्टेडले अर्को गोल थपेकी थिइन् । महिला विश्वकपको नवौं संस्करण अस्ट्रेलिया र न्युजिल्यान्डमा सञ्चालन भइरहेको छ ।