सर्लाहीमा कांग्रेसको बृहत सभा, आरजुले सम्बोधन गर्ने
काठमाडौं । नेपाली कांग्रेस सर्लाही ४ को क्षेत्रीय सम्मेलन धनकौलमा सुरु भएको छ । सम्मेलन उदघाटनमै कांग्रेसले बृहत् आमसभा आयोजना गरेको छ ।
सम्मेलनमा कांग्रेसका अगुवा कार्यकर्ता सहभागी भएका छन् । सर्लाही ४ मा गत मंसिरमा कांग्रेस उम्मेदवार नागेन्द्र यादव ६ सय मतान्तरले स्वतन्त्र उम्मेदवार अमरेशकुमार सिंहसँग पराजित भएका थिए ।
आफूले चुनाव जितेदेखि सिंह नेपाली कांग्रेसका सभापति शेरबहादुर देउवा र नेतृ आरजु देउवामाथि खनिँदै आएका छन् । आज आरजु पहिलोपटक सर्लाही ४ को धनकौलमा पुगेर हजारौंको मासमा सम्बोधन गर्दैछिन् ।
सम्मेलनमा नेपाली कांग्रेसका केन्द्रीय सदस्य रामहरि खतिवडा, कांग्रेस मधेस प्रदेश सभापति कृष्ण यादव, प्रदेश मन्त्री वीरेन्द्र सिंहलगायत उपस्थित छन् ।