अल नासर र इन्टर मिलान बराबरीमा रोकिए
काठमाडौँ । जापान टूरमा रहेको साउदी क्लब अल नासरले इटालियन क्लब इन्टर मिलानसँगको मैत्रीपूर्ण खेल बराबरी खेलेको छ ।
विहिबार जापानको ओसाकास्थित नागाई स्टेडियममा सम्पन्न खेलमा अल नासर र इन्टर मिलान १-१ गोलको बराबरीमा रोकिएका हुन् ।
खेलमा अल नासरले खेलको २३औं मिनेटमा अब्दुलरहमान घरिबको गोलमा शुरुवाती अग्रता लिएको थियो । तर इन्टर मिलानले खेलको ४४औं मिनेटमा गोल गर्दै खेल बराबरी गरेको थियो । इन्टरका लागि डेभिड फ्रातेसीले गोल गरेका थिए ।
जापान टूरमा यसअघि अल नासरले पिएसजीसँग पनि बराबरी खेलेको थियो ।
अब अल नासरले अर्को खेल अरब च्याम्पिन्सिप कप अन्तर्गत जुलाई २९ मा अल शाबाबविरुद्ध खेल्दै छ ।