आइएमई पे मार्फत हवाइ टिकट काट्दा २ सय क्यासब्याक
काठमाण्डौं । ‘आइएमई पे’ ले आन्तरिक हवाई उडानमा ‘फ्ल्यास सेल्स’ अफर सार्वजनिक गरेको छ। यस अफरमा सेवाग्राहीले प्रत्येक दिन साँझ ४ बजे देखि ६ बजेसम्म आन्तरिक उडानका एयरलाइन्सको टिकट काट्दा रु. २ सय क्यासब्याक पाउने छन् । साउन ७ गतेदेखि शुरू भएके यो अफर साउन २६ सम्म चल्ने कम्पनीले जनाएको छ ।
सेवाग्राहीले आइएमई पेमा भएका सम्पूर्ण आन्तरिक एयरलाइन्सको टिकटमा उक्त छुट पाउनेछन् । सो अफर अवधि भित्रमा एयरलाइन्सको टिकट काट्ने सेवाग्राहीले साबिकमा चलिरहेको क्यासब्याक तथा प्रोमो कोडको प्रयोग गरी पाइने छुट समेत पाइराख्ने कम्पनीले जनाएको छ।