केन्द्रीय बैठकमा प्रचण्डले भने- पार्टी पार्टीजस्तो बन्न सकेन
काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले पार्टी पार्टीजस्तो नभएको बताएका छन् । आजबाट सुरु भएको पार्टी केन्द्रीय समिति बैठकलाई सम्बोधन गर्दै उनले पार्टी पार्टीजस्तो नभएको भन्दै यो बैठकबाट पार्टी पुनर्निर्माणको अभियान थाल्नुपर्ने बताए।
‘हामीसँग नेता कार्यकर्ताहरूको विशाल पङ्क्ति त छ तर पार्टी चाहिँ पार्टीजस्तो भइराखेको छैन। हामीले कम्युनिष्ट पार्टीको पुनर्निर्माणको अभियान यो बैठकबाट थाल्नु छ,’ उनले भने, ‘मलाई विश्वास छ सबैले गम्भीरता र जिम्मेवारीका साथ पार्टी पुनर्निर्माणको अभियानको थालनी गर्ने विश्वास व्यक्त गर्छु।’