महानगर प्रहरी र बूढानीलकण्ठका वडाअध्यक्षबीच विवाद, समाधानका लागि वार्ता जारी
काठमाडौं । काठमाडौं महानगरपालिका–७ र बूढानीलकण्ठ नगरपालिकाबीचको कपन खोलामाथि निर्माण गरिएको स्ल्यब हटाउने विषयमा बुढानिलकण्ठ नगरपालिकाका वडाध्यक्ष र महानगरबीच बिवाद बढेको छ ।
सार्वजनिक खोलामाथि निर्माणधिन स्ल्याब भत्काउनका लागि काठमाडौँ महानगर प्रहरी उक्त क्षेत्रमा डोजरसहित पुगेपछि बूढानीलकण्ठ नगरपालिका १० का वडाअध्यक्ष नवराज भट्टराई नेतृत्वको समूहबीच विवादको अवस्था सिर्जना भएको हो ।काठमाडौंका नगर प्रहरी प्रमुख राजुनाथ पाण्डेसहितको टोली बूढानीलकण्ठको सात तलेमा डोजरसहित स्थानीयबासीले बूढानीलकण्ठका जनप्रतिनिधिलाई बोलाएपछि बूढानीलकण्ठका मेयर मिठाराम अधिकारी, उपमेयर अनिता लामा र वडा नम्बर १० का वडाध्यक्ष नवराज भट्टराई पुगेर काठमाडौँ महानगरपालिको डोजर रोक्ने प्रयासमा लागेका थिए ।
प्रहरीले डोजरको चावी नियन्त्रणमा लिएर दुवै नगरका जनप्रतिनिधिलाई वार्तामा बस्न आवश्यक रहेको बताएका छन् ।
अहिले काठमाडौं महानगरपालिका वडा नम्बर ७ का अध्यक्ष विमल होडा र बूढानीलकण्ठका जनप्रतिनिधिहरु वार्तामा बसेका छन्।