सरकारकाे कामबाट अत्तालिएकाहरु भ्रम छर्दै हिँडेका छन् : प्रधानमन्त्री
काठमाडौं । प्रधानमन्त्री पुष्पकमल दाहाल ‘प्रचण्ड’ले पछिल्लो समय सरकारले गरेका राम्रा कामबाट एकथरी व्यक्तिहरू विछिप्त भएको बताएका छन् । उनले सरकारले गरेका राम्रा कामबाट अत्तालिएकाहरुले पार्टी, सरकार र गठबन्धनविरुद्ध भ्रम छर्दै हिँडेको समेत बताए ।
आइतबार माओवादी केन्द्रनिकट बुद्धिजिविहरूको संगठन नेपाल बुद्धिजीवी संगठनको तेस्रो पूर्ण बैठकलाई सम्बोधन गर्ने क्रममा प्रधानमन्त्रीले सो कुरा बताएका हुन् ।
प्रधानमन्त्री प्रचण्डले भने, ‘पछिल्लो समय सरकारले गरेको कामबाट एकथरी व्यक्तिहरू विछिप्त भएका छन् । उनीहरूले माओवादी पार्टी, सरकार र गठबन्धनविरुद्ध भ्रम छर्दै हिँडेका छन् । त्यसलाई चिर्न बुद्धिजीवी संगठनले महत्वपूर्ण भूमिका निर्वाह गर्नुपर्छ ।’