महिला टी-२० विश्वकप छनौटको सेमिफाइनलमा नेपालको प्रतिद्वन्दी थाइल्याण्ड
काठमाडौँ । नेपाल महिला टी-२० विश्वकपको एशिया छनौट खेलको सेमिफाइनलमा थाइल्याण्डसँग खेल्ने भएको छ ।
समुह चरणका खेल सकिएसँगै नेपाल समुह ए बाट उपविजेता हुदै सेमिफाइनलमा पुगेको छ । अब नेपालले समुह ए को विजेता टिम थाइल्याण्डसँग खेल्ने भएको छ ।
थाइल्याण्डले आज हङकङलाई पराजित गरेपछि समुह विजेता हुदै सेमिफाइनलमा पुगेको हो । अब नेपाल र थाइल्याण्डबीचको सेमिफाइनल खेल शुक्रबार हुने छ ।
त्यसैगरी अब अर्को सेमिफाइनल खेल युएई र हङकङबीच शुक्रबार नै हुने छ ।
महिला ती -२० विश्वकपको एशिया छनौटमा १२ देशले भाग लिएका छन् । जसमा नेपाल समुह ए मा रहेको छ । समुह ए मा नेपालसहित बहराइन भुटान, मलेसिया, कतार र युएई रहेका थिए । त्यस्तै समुह बी मा चीन, हङकङ, कुवेत, म्यान्मार र थाइल्याण्ड रहेका थिए ।
अब फाइनल पुग्ने दुई देश विश्वकपका लागि छनौट हुने छन् भने प्रतियोगिताको फाइनल खेल सेप्टेम्बर ९ मा हुने छ ।