न्यूजील्याण्डको विश्वकपमा खेल्ने टिमको घोषणा
काठमाडौँ । न्यूजील्याण्डले एकदिवसीय विश्वकपमा खेल्ने टिमको घोषणा गरेको छ ।
न्यूजील्याण्डले खेलाडीका परिवारका सदस्यबाट विश्वकप खेल्ने टिमको घोषणा गर्दै फरक शैली अपनाएको छ । जसको चौतर्फी प्रसंशा समेत भइरहेको छ । १५ सदस्यीय विश्वकप खेल्ने टिमको कप्तानी केन विलियम्सनले गर्ने भएका छन् ।विश्वकपमा न्यूजील्याण्डले उद्घाटन खेलमा अक्टोबर ५ मा इङल्याण्डको सामना गर्दै विश्वकपको शुरुवात गर्ने छ ।
विश्वकप खेल्ने न्यूजील्याण्डको टिम: केन विलियम्सन (कप्तान), ट्रेन्ट बोल्ट, मार्क चापम्यान, डेभोन कोनवे, लुकी फर्गुसन, माट हेनरी, टम लाथम (उपकप्तान/विकेटकिपर), डार्यल मिचेल, जिम्मी नीशाम, ग्लेन फिलिप्स, राचिन रविन्द्र, मिचेल सान्टनर, इश सोढ़ी, टिम साउथी र विल योंग ।
