व्यवसायी बस्नेतको सुकेधारामा निर्माणाधीन होटल फेब्रुअरीमा सफ्ट लन्च हुँदै
काठमाडौं। सफल व्यवसायी देशबन्धु बस्नेतको मुख्य लगानीमा सुकेधारामा निर्माणाधीन होटल आगामी फेब्रुअरीमा सफ्ट लन्च हुने भएको छ। बस्नेत नेपाल उद्योग वाणिज्य महासंघका केन्द्रीय सदस्य हुन्। सुरुआतमा १ अर्ब ५६ करोड रुपैयाँ अनुमानित लागत तय गरिएको होटलको मूल्य ४५ प्रतिशतले बढेको छ। होटल दुई चरणमा निर्माण हुँदैछ। होटलमा १०६ कोठा हुनेछन्। होटलमा रेस्टुरेन्ट, ब्यांकेट, फिटनेस सेन्टर, स्पा, स्वीमिङ पुल, कन्फ्रेन्स हललगायत सुविधा रहनेछन्।
कुल परियोजना खर्चको ८४ प्रतिशत पहिलो चरणमा र बाँकी दोस्रो चरणमा निर्माण भइरहेको छ। व्यवसायी देशबन्धु बस्नेत होटलका अध्यक्ष बस्नेतको ४५ प्रतिशत सेयर स्वामित्व छ। बाँकी हिस्सा भने राजेन्द्र राउत र विजय मल्लको छ। उनीहरु कम्पनीको निर्देशक हुन्। होटलमा क्यासिनो पनि निर्माण हुँदैछ। कम्पनीले १ अर्ब ९७ करोड ५० लाख रुपैयाँको बैंकिङ कर्जाका लागि इन्फोमेरिक्स क्रेडिट रेटिङबाट रेटिङ गराएको छ।