साफ यु १९ फुटबलमा नेपालसँग माल्दिभ्स पराजित

काठमाण्डौं । साफ यु १९ फुटबल च्याम्पियनसिप काठमाडौंको दशरथ रंगशालामा भएको खेलमा नेपालले माल्दिभ्सलाई ४ १ ले पराजित गरेको छ। नेपालले पहिलो हाफमा दुई र दोस्रो हाफमा दुई गोल गरेको थियो। माल्दिभ्सले भने दोस्रो हाफमा एक गोल गरेको हो। १८औं मिनेटमा नेपालका प्रशान्त लकसमले गोल गरेका थिए। त्यसपछि ३० औं मिनेटमा समिर तामाङले दोस्रो गोल गरे। ५८ औं मिनेटमा माल्दिभ्सले गोल फर्काएको थियो। त्यस्तै नेपालका निरन्जन धामीले ८८ औं मिनेटमा गोल गरेका थिए। अतिरिक्त समयमा नेपालका समिर तामाङले अर्को गोल पनि गरेका हुन्।

यस खेलमा माल्दिभ्सका दुई र नेपालका एक खेलाडीले रातो कार्ड पाएका थिए। नेपालका सुजन डंगोल र माल्दिभ्सका मोहमद इयान हसनले रातो कार्ड पाए। नेपालले यसअघि गत बिहीबार पाकिस्तानसँग खेलेको थियो। त्यस खेलमा पाकिस्तान १ गोलले पराजित भएको थियो। यो प्रतियोगिता असोज १३ गतेसम्म हुनेछ। प्रतियोगिताको समूह ‘ए’मा नेपाल, माल्दिभ्स र पाकिस्तान छन्। अर्को समुहमा भारत, भुटान र बंगलादेश छन्। प्रतियोगिताको सुरूआती दुई संस्करण नेपालले जितेको थियो।