साफ यू-१९ : भूटानलाई हराउदै पाकिस्तान फाइनलमा
काठमाडौँ । पाकिस्तान साफ यू-१९ च्याम्पियन्सिपको फाइनलमा पुगेको छ । बुधबार सम्पन्न पहिलो सेमिफाइनल खेलमा भुटानलाई सडेन डेथमा भुटानलाई ६-५ गोलले हराउदै फाइनलमा पुगेको हो ।
निर्धारित ९० मिनेटको खेल गोलरहित बराबरीमा सकिएपछि खेलको निर्णय पेनाल्टी सुटआउटबाट भएको थियो । पहिलो पटक साफ यू-१९ च्याम्पियनसिपमा खेलिरहेको पाकिस्तान फाइनलमा पुगेको छ । यस अघि सम्पन्न चार साफ यू-१९ च्याम्पियनसिपमा पाकिस्तान सहभागी भएको थिएन । अब फाइनलमा पाकिस्तानले आजै हुने दोस्रो सेमिफाइनल खेल नेपाल र भारतबीचको विजेतासँग उपाधिका लागि शनिबार खेल्ने छ ।
फाइनल खेल शनिबार दशरथ रंगशालामा साँझ साढे ५ बजेदेखि शुरु हुने छ ।