नेसपाको महाधिवेशन आगामी बैशाखमा हुने
काठमाडौं । नेपाल समाजवादी पार्टी(नेसपा)ले आगामी वैशाखमा महाधिवेशन गर्ने निर्णय गरेको छ । बुधबार बसेको बैठकले वैशाखमा महाधिवेशन गर्ने निर्णय गरेको हो ।
उपाध्यक्ष दुर्गा सोबका अनुसार महाधिवेशनको थप तयारीबारे निर्णय लिन नेसपाले छठलगत्तै केन्द्रीय समिति बैठक बोलाउने निर्णय गरेको छ । माओवादी केन्द्र लगायत अन्य समाजवादी पार्टीसँग एकता गर्नका लागि वार्ता कमिटीलाई तुस्त दुरुस्त बनाउने निर्णय समेत भएको उनले बताइन् ।
यसअघि पार्टी एकताका लागि पठाएको ९ बुँदे आधार प्रस्तावको माओवादीले जवाफ नदिएसम्म वार्तामा नबस्ने निर्णय भएको उनको भनाइ छ । पार्टी एकताका लागि माओवादीलाई ९ बुँदे आधार पत्र पठाएको तर अहिलेसम्म जवाफ प्राप्त नभएकाले वार्ता गर्ने विषयमा सहमति नजुटेको उनले बताइन् । ‘माओवादीले पठाएको पत्र पार्टी विभाजन गर्ने, अन्तरद्वन्द्वमा फसाउने गरी षड्यन्त्र भएको निष्कर्ष नेसपाले निकालेको छ ।