वर्ल्डलिंकका ग्राहकलाई सामसङका सामान किन्दा १५ हजार छुट

काठमाडौं । वर्ल्डलिंकका ग्राहकले सामसङका विद्युतीय सामग्री खरिदमा आकर्षक तथा विशेष छुट पाउने भएका छन् । दसैँ तिहारका अवसरमा सामसङले वर्ल्डलिंकसँगको सहकार्यमा १५ हजार ५ सय रुपैयाँसम्मको छुट योजना ल्याएको हो । योजना अन्तर्गत आठ केजी क्षमताको सामसङ फ्रन्ट लोड इको बबल वासिङ मसिन खरिदमा १५ हजार ५ सय रुपैयाँ छुट मिल्नेछ । कम्पनीका अनुसार ८८ हजार रुपैयाँ बजार मूल्य रहेको उक्त वासिङ मसिन वर्ल्डलिंकका ग्राहकलाई भने ७५ हजार ५ सय रुपैयाँमै उपलब्ध हुने भएको हो । यस्तै, वर्ल्डलिंकका ग्राहकलाई ९६ हजार ५ सय ९१ रुपैयाँ बजार मूल्य रहेको ५५ इन्चको सामसङ फोरके यूएचडी टेलिभिजन १३ हजार ९१ रुपैयाँको छुटसहित ८३ हजार ५ सय रुपैयाँमै पाइनेछ । ६६ हजार ५ सय रुपैयाँ पर्ने ४३ इन्चको सामसङ फोरके यूएचडी टेलिभिजनमा आठ हजार रुपैयाँ छुट पाउन सकिने कम्पनीले जनाएको छ ।

३७ हजार ८ सय रुपैयाँ बजार मूल्य रहेको २३० लिटर क्षमताको सामसङ सिङ्गल डोर रेफ्रिजेरेटरमा ६ हजार ३ सय रुपैयाँ छुट रहेको छ । मोबाइलतर्फ ३१ हजार ९ सय ९९ रुपैयाँको आठ जीबी र्‍याम तथा १२८ जीबी स्टोरेज भएको सामसङ ए२४ एलटीई स्मार्टफोन तीन हजार ९ सय ९९ रुपैयाँ छुटसहित २८ हजार रुपैयाँमा खरिद गर्न सकिने कम्पनीले सामसङले जनाएको छ । यो छुट सुविधाका लागि वर्ल्डलिंकका काउन्टरमा गएर अथवा अनलाइनबाट तीन वा १२ महिनाको इन्टरनेट प्याकेज खरिद वा रिन्यू गर्नुपर्ने कम्पनीले बताएको छ । त्यसपछि वर्ल्डलिंकको काउन्टरबाट आफूले छुट प्राप्त गर्न चाहेको सामसङ उत्पादनको भौचर मिल्ने र उक्त भौचर सामसङका कुनै पनि आधिकारिक स्टोरमा गएर देखाउँदा छुट सुविधा मिल्ने कम्पनीले जनाएको छ ।