गोठाटारमा लागूऔषध कारोबारीलाई समात्न प्रहरीले गोली चलायो

काठमाडौं । काठमाडौंको गोठाटारमा प्रहरीले गोली चलाएको छ । काठमाडौं उपत्यका अपराध अनुसन्धान कार्यालयको टोलीले भारत घर भएका मोहम्मद करिममाथि गोली चलाएको हो ।

उपत्यका अपराध अनुसन्धान कार्यालयका एसपी रवीन्द्र रेग्मीका अनुसार उनी लागूऔषध कारोबारी हुन् । उनको खुट्टामा गोली लागेको छ । करिमको साथबाट प्रहरीले एकथान पेस्तोलसहित २ सय ग्राम खैरो हेरोइन जस्तो पदार्थ र तराजु बरामद गरेको छ ।

उनीसँगै नेपाली नागरिक हर्क लिम्बु पनि पक्राउ परेको प्रहरीले जनाएको छ ।