चार दिने नेपाल भ्रमणपछि यसरि फर्किए महासचिव गुटरेस
काठमाडौँ । राष्ट्रसंघका महासचिव एन्टोनियो गुटरेस चार दिने नेपाल भ्रमणपछि आज अथवा बुधबार बिहान फर्किएका छन् । गुटरेस शनिबार राति नेपाल आएका थिए ।
महासचिव गुटेरेसलाई बिदाइ गर्न रक्षामन्त्री पूर्णबहादुर खड्का विमानस्थलमा पुगेका थिए । उनको बिदाइमा नेपाली सेनाले सलामी अर्पण गरेको थियो । नेपाल भ्रमणका क्रममा महासचिव गुटरेसले उच्चस्तरीय भेटवार्ता गर्नुका साथै नेपालमा जलवायु परिवर्तनको प्रभावको अवलोकन साथै नेपालको बिभिन्न ठाउँहरुको भ्रमण समेत गरेका थिए । उनले राष्ट्रपति रामचन्द्र पौडेल, प्रधानमन्त्री पुष्पकमल दाहाल, राष्ट्रिय सभाका अध्यक्ष गणेश तिमल्सिना, सभामुख देवराज घिमिरे, उपप्रधान तथा रक्षामन्त्री पूर्णबहादुर खड्का, उपप्रधान तथा गृहमन्त्री नारायणकाजी श्रेष्ठ, परराष्ट्रमन्त्री एनपी साउद, नेपाली कांग्रेसका सभापति शेरबहादुर देउवा तथा नेकपा एमालेका अध्यक्ष केपी शर्मा ओली लगायतसँग भेटवार्ता गरेका थिए ।
करिब चार दिनको भेटवार्ता र भ्रमण पछि गुटेरेस आज बिहान फर्केका हुन् ।
