एनएसएलमा आज ललितपुर र वीरगञ्ज भिड्दै
काठमाडौं । नेपाल सुपर लिग (एनएसएल) मा आज ललितपुर सिटी र वीरगञ्ज युनाइटेड एफसी बीच प्रतिस्पर्धा हुँदैछ । प्रतियोगिताको खेल त्रिपुरेश्वरस्थित दशरथ रंगशालामा आज अपराह्न ५ बजेबाट सुरु हुनेछ ।
अपराजित ललितपुर तीन खेलबाट ५ अंकसहित तालिकाको दोस्रो स्थानमा छ । ललितपुरले यसअघि एक खेलमा जित र दुई खेलमा बराबरीको नतिजा निकालेको छ । वीरगञ्ज हालसम्म जितविहीन छ । उसले यसअघि दुई खेल खेले पनि दुवैमा हार बेहोरेको थियो ।
एनएसएलको यो दोस्रो संस्करणमा काठमाडौं रेजर्स, ललितपुर सिटी एफसी, चितवन एफसी, पोखरा थण्डर्स, धनगढी एफसी, एफसी बुटवल लुम्बिनी, स्पोर्टिङ इलाम डे मेची एफसी, झापा एफसी, वीरगञ्ज एफसीर बुटवल लुम्बिनी सहभागी छन् ।