लामोसाँघु साकोसको १४ औं साधारणसभा सम्पन्न

बलेफी गाउँपालिका–८ लामोसाँघुमा रहेकोे लामोसाँघु बचत तथा ऋण सहकारी संस्था लिमिटेडले १४ औं साधारणसभा सम्पन्न भएको छ। एकाई बैठक कार्यक्रम अन्तर्गत कालिका माबि टेकानपुर, सुनकोशी माबि लामोसाँघु र लामोसाँघु फुटसल खेलमैदानमा बिविध कार्यक्रम गरी संस्थाले साधारणसभा सम्पन्न गरेको हो । बलेफी गाउँपालिका र बाह्रबिसे नगरपालिकाका सदस्यहरुका लागि कालिका माबिमा भएको साधारणसभाको एकाई बैठकमा प्रमुख अतिथि रहेका बलेफी गाउँपालिकाका अध्यक्ष गंगाबहादुर तामाङले पालिकाभर रहेका सबै सहकारीलाई सामानरुपमा हेर्ने बताए । पालिकाभर रहेका सहकारीको सञ्जाल गठन गरेर सबै सहकारीलाई एउटै प्रणालीमा चलाउने बताउँदै उनले ५० प्रतिशत अनुदानमा कृषि, पशुपालन, ब्यबसाय, उद्यमका लागि साझेदारीमा बजेट उपलब्ध गराउने प्रतिबद्धता पनि गरे । त्रिपुरासुन्दरी गाउँपालिका सदस्यलाई सम्बोधन गर्दै कालिका माबिमा भएको एकाई बैठक अन्तर्गतको साधारणसभामा उक्त पालिका–६ का अध्यक्ष समेत रहेका प्रमुख अतिथि रमेश बोहराले आफ्नो पालिकाभर रहेका सहकारीको उत्थानमा पालिका र वडा निरन्तर लागेको बताए । त्यस्तै सुनकोशी गाउँपालिका र लिसंखुपाखर गाउँपालिकाका सदस्यहरुको एकाई बैठक अन्तर्गतको साधारणसभालाई सम्बोधन गर्दै प्रमुख अतिथि रहेका सुनकोशी गाउँपालिका–७ का अध्यक्ष ईश्वर तिमल्सिनाले सहकारी संस्थाबीच कुनै पक्षपात नगरी सामान दृष्टिकोणमा पालिका र वडाको हेराई रहेको बताएका छन् ।
साधारणसभामा अध्यक्ष पूर्णचन्द्र ढकालले लामोसाँघु साकोसले सदस्यहरुलाई उचित मुल्यमा बित्तिय तथा गैरबित्तिय सेवा आधुनिक तथा अत्याधुनिक प्रबिधि मार्फत उपलब्ध गराई उनीहरुको आर्थिक, सामाजिक र साँस्कृतिक बिकास गर्दै समुनन्त समाजको बिकास गरिरहेको जानकारी दिए । संस्थाका ब्यबस्थापक रबिन बिकले आफ्नो सहकारीमा कुल पुँजी १३ करोड ८७ लाख ३७ हजार , ऋण सुरक्षण कोष २१ लाख, जगेडा कोष १ करोड २८ हजार , ऋण लगानी ११ करोड १० लाख ६४ हजार ९७२, बचत ९ करोड ३२ लाख , सेयर पुँजी १ करोड, ५ सय ४० बालसदस्यसहित ३ हजार ३६१ जना सदस्य रहेको जानकारी दिए । त्यस्तै सो सहकारीको बलेफी गापा, त्रिपुरासुन्दरी गापा, सुनकोशी गापा, लिसंखुपाखर गापा र बाह्रबिसे नगरपालिका कार्यक्षेत्र रहेको उनले बताए । नियमित बचत, ऐच्छिक बचत, आवधिक(मुद्धति) बचतका साथै कृषि, पशुपालन, ब्यापारिक, बैदेशिक रोजगार, आयर पर्चेच, आवास, शैक्षिक, घरजग्गा ऋण, खरखाँचो ऋण, आपतकालीन ऋण, आवधिक ऋण, लघुउद्यम ऋण, औधोगिक ऋण, सेवा ब्यवसाय ऋण, लघुबित्त ऋण लगायतका ऋण प्रदान गर्दै आईरहेको ब्यवस्थापक बिकले बताए । ३६५ दिने सेवा, मनिट्रान्सफर सेवा, समूहगत कारोवार सेवा, सुत्केरी शिशु स्याहार खर्च सुबिधा, सदस्य सम्मान, शिक्षा तालिम भ्रमणमा सेवा दिदैं आएको जनाईएको छ । उक्त सहकारी स्थापना पश्च्यात सदस्यमा आर्थिक, सामाजिक, साँस्कृतिकका साथै नेतृत्वदायी भूमिका बिकास भएको उनले बताए ।