बुडोल सामुदायिक साकोसको सिइओमा ठकुरी

काभ्रे । बुडोल सामुदायिक बचत तथा ऋण सहकारी संस्थाको प्रमुख कार्यकारी अधिकृत (सिइओ) मा बिबेकराज ठकुरी नियुक्त भएका छन् । संस्थाको पुस ६ गते बसेको सञ्चालक समितिको बैठकले ठकुरीलाई ४ वर्षको लागि नियुक्त गरेको हो।

ठकुरी यस अघि पनि संस्थाको प्रमुख कार्यकारी अधिकृत थिए । १७ महिना अघि मात्रै उनले संस्थाबाट राजिनामा दिएका थिए । ठकुरीले संस्थामा साढे २१ वर्ष विताएका छन् । प्रशिक्षार्थी कर्मचारी, कार्यालय सचिव, व्यवस्थापक, वरिष्ठ कार्यकारी अधिकृत हुँदै प्रमुख कार्यकारी अधिकृत बनेका थिए ।