आयोजक कतार एशियन कपको क्वाटरफाइनलमा

काठमाडौँ । आयोजक कतार जारी एशियन कपको क्वाटरफाइनलमा पुगेको छ ।

गएराती सम्पन्न खेलमा कतारले प्यालेस्टाइनलाई २-१ गोल अन्तरले पराजित गर्दै प्रतियोगिताको क्वाटरफाइनलमा पुगेको हो । कतारको जितमा हसन अल हायीडोस र अक्रम अफिफले एक एक गोल गरेका थिए । त्यस्तै प्यालेस्टाइनका लागि एक गोल ओडय डावबाघले गरेका थिए ।

अब कतारले क्वाटरफाइनलमा उज्बेस्किस्तान र थाइल्याण्डबीचको विजेतासँग खेल्ने छ । हारसँगै प्यालेस्टाइन प्रतियोगिताबाट बाहिरिएको छ ।