कतार एशियन कप फुटबलको सेमिफाइनलमा

काठमाडौँ । कतार एशियन कप फुटबलको सेमिफाइनलमा पुगेको छ।

शनिबार राति भएको अन्तिम क्वार्टरफाइनलमा उज्वेकिस्तानलाई ३–२ ले पराजित गर्दै पुगेको हो । निर्धारित समय र अतिरिक्त समय १–१ को बराबरीमा सकिएपछि खेल पेनाल्टीमा पुगेको थियो। पेनाल्टीमा कतारका गोलरक्षक मेसल बरसमले ३ वटा बचाउ गरेका थिए।

त्यसअघि निर्धारित समयको २७औँ मिनेटमा उत्किर युसुपोभको आत्मघाती गोलमा कतारले अग्रता लिएको थियो। उज्वेकिस्तानका लागि ५९औँ मिनेटमा ओदिलजोन खाम्रोबेकोभले बराबरी गोल गरे । कतारले अब फाइनल प्रवेशका लागि इरानसँग खेल्ने छ।