नेपाली बजारमा सोमबार सुनचाँदीको मुल्य घट्यो

काठमाडौ । नेपाली बजारमा सोमबार सुनचाँदीको मुल्य घटेको छ । 

नेपाल सुन–चाँदी व्यवसायी महासंघका अनुसार सोमबार छापावाल सुन प्रतितोला ४०० रुपैयाँले घटेर १ लाख १८ हजार ५०० रुपैयाँ कायम भएको छ । यसैगरी, तेजावी सुनको मूल्य तोलाको १ लाख १७ हजार ९५० रुपैयाँ निर्धारण भएको छ । आइतबार पनि सुनको मुल्य तोलामा ६०० रुपैयाँले घटेको थियो । यसअघि, आइतबार छापावाल सुन १ लाख १८ हजार ९०० रुपैयाँ कायम भएको थियो । यसैगरी, तेजावी सुनको मुल्य तोलाको १ लाख १८ हजार ३५० रुपैयाँ निर्धारण भएको थियो । 

सोमबार चाँदीको मुल्य पनि तोलामा ५ रुपैयाँले घटेर तोलाको १३ सय ९० रुपैयाँ कायम भएको छ । आइतबार चाँदीको मुल्य प्रतितोला १३ सय ९५ रुपैयाँ कायम रहेको थियो ।