मैत्रीपूर्ण खेलमा हङकङसँग नेपाल ७३ रनले पराजित
काठमाडौँ । आज भएको मैत्रीपूर्ण टी-२० खेलमा हङकङले नेपाललाई पराजित गरेको छ । आज (शनिबार) हङकङले नेपाललाई ७३ रनको फराकिलो अन्तरले पराजित गरेको हो ।
हङकङले दिएको २१३ रनको लक्ष्य पछाएको नेपाल १६.४ ओभरमा अल आउट हुदै १३९ रन मात्र बनाएको थियो । नेपालका लागि विनोद भण्डारीले सर्बाधिक ४२ रन बनाए भने आरिफ सेखले ३८ तथा कप्तान रोहित पौडेलले ३० रन बनाएका थिए । त्यस्तै नेपाललाई अलआउट गर्नेक्रममा हङकङका बलर एजाज खानले सर्बाधिक ४ विकेट लिए भने एहसान खानले ३ विकेट लिएका थिए ।
यसअघि टस हारेर पहिला ब्याटिंग गरेको हङकङले २० ओभरमा ६ विकेट गुमाउदै २१२ रन बनाएको थियो । हङकङका लागि बाबर हयातले शतकीय पारी खेलेका थिए । यता नेपाली बलर आकाश चन्दले ३ विकेट लिए भने आरिफ सेख, प्रतिस जिसी, र रसिद खानले एक एक विकेट लिएका थिए ।