फ्लोरेन्स नाइटिङ्गेलको कपाल ३५०० पाउन्डमा बिक्यो

उत्तरी योर्कशायरमा भएको एउटा लिलामीमा चर्चित बेलायती नर्स फ्लोरेन्स नाइटिङ्गेलको कपाल ३ हजार ५०० पाउन्ड स्टर्लिङमा विक्री भएको छ । नाइटिङ्गेलकै हो भनेर पुष्टि भएको सो कपाल लिलामीमा २ हजार देखि ३ हजार पाउन्डसम्ममा बेचिने अपेक्षा गरिएको थियो । कपालमा टाँसिएको कागजमा नाइटिङ्गेलको हस्ताक्षर पनि थियो ।

कपाल टिनेन्ट्स अक्सनर्सले लेबर्नमा बेचेको हो । कपाल नाइटिङ्गेलको बहिनीको वंशजको स्वामित्वमा थियो । यसलाई बेलायतका गोप्य क्रेताले ३ हजार ६०६ पाउन्डमा किनेको बताइएको छ । नाइटिङ्गेललाई धेरैले आधुनिक नर्सिङको संस्थापकको रूपमा हेर्छन् । क्रिमिया युद्धमा घाइते सिपाहीहरूको हेरचाहमा रातबिरात लाल्टिन बोकेर हिँड्ने भएकोले उनी ‘लाल्टिन बोक्ने महिला’ भनेर चिनिइन् । अहिले पनि लेडी विथ ल्याम्प भन्ने बित्तिकै सबैले नाइटिङ्गेललाई नै सम्झिन्छन् ।