बेनेली बाइकको दशैं अफर, १ लाखसम्म छुट
काठमाण्डौं । नेपालका लागि आधिकारिक बिक्रेता केटीएम इन्टरनेसनल ट्रेडिङले महान चाड बडा दशैं, शुभ दिपावली २०८१ को विशेष छुट योजना “चढौं बेनेली, बाँडौं खुसी योजना“ सार्वजनिक गरेको छ । कम्पनीका सेल्स तथा मार्केटिङ्ग म्यानेजर नबराज घिमिरेका अनुसार यस योजनामा ग्राहकहरूले बेनेली बाइकको खरिदमा १ लाखसम्मको छुट पाउन सक्नेछन् । यस अफर अन्तर्गत ग्राहकहरूले मनपरेको बाइक तथा स्कुटर खरिद गरी यसपालिको दशैंमा आफ्नो परिवारसँग खुसी बाँड्न सक्ने भएका छन् ।
यस अफरमा, बेनेली स्कूटर १२५ सिसी २ लाख ५० हजार रुपैयाँमा उपलब्ध हुनेछ भने बेनेली १८० एस ३ लाख ३० हजार रुपैयाँमा किन्न सकिने कम्पनीले जनाएको छ । त्यस्तै ग्राहकहरूले मूल्य १२ हजार रुपैयाँ पर्ने बेनेली ब्रान्डको हेलमेट, निःशुल्क पाउनेछन् । साथै, पुरानो बाइक साटफेर गर्दा अतिरिक्त रु. ३० हजारको मूल्याङ्कन गरिनेछ र सम्पूर्ण बीमा तथा आर्थिक वर्षको कर पनि कम्पनीले निःशुल्क रूपमा बेहोर्ने कम्पनीले विज्ञप्तीमा उल्लेख गरेको छ । दशैं लक्षित यो अफर सीमित समयका लागि मात्र उपलब्ध हुने कम्पनीले जनाएको छ ।