क्यानडाका कप्तान किर्टोनले एनपीएलमा विराटनगरबाट खेल्ने
काठमाडौँ । नेपाल प्रिमियर लिग (एनपीएल) मा बिराटनगर किंग्सले क्यानडाका लराउण्डर निकोलस किर्टोनलाई भित्र्याएको छ ।
२६ बर्षिय अलराउन्डर किर्टोनलाई एनपीएलका लागि भित्र्याएको विराटनगरले जानकारी दिएको हो । किर्टोन वेस्ट इन्डिजको यू-१९ टिमबाट पनि खेलेका थिए । विराटनगरले यसघि पहिलो विदेशी खेलाडीको रुपमा ओमानका कप्तान अकिब इल्यासलाई अनुबन्ध गरिरहेको छ ।
विराटनगरको मार्की प्लेअरमा सन्दीप लामिछाने रहेका छन् । आगामी मङ्सिर १५ देखि पुस ६ सम्म आयोजना हुने एनपीएलमा विदेशी खेलाडी भित्र्याउनेक्रम जारी रहेको छ ।