चमेली साकोसको २३औं स्थापना दिवसका अवसरमा १८४ जना जेष्ठ सदस्यलाई सम्मान
भक्तपुर । सुर्यविनायक नगरपालिका १ बिरुवामा रहेको चमेली कल्याणकारी बचत तथा ऋण सहकारी संस्था लिको २३औं स्थापना दिवसका अवसरमा एक कार्यक्रममा संस्थामा आबद्ध १८४ जना जेष्ठ सदस्यलाई दोसल्ला, मायाको चिनो, नगद र प्रमाणपत्र सहित सम्मान गरिएको थियो ।
उक्त कार्यक्रममा स्थापनाकालका अध्यक्ष देखि वर्तमान अध्यक्षहरुले पानस र २३ वटा पालामा दिप प्रज्वलन गरी कार्यक्रम उद्घाटन गर्नुभएको थियो । सो अवसरमा संस्थाका उपाध्यक्ष मिठाराम न्यौपानेले स्वागत मन्तव्य राख्नु भएको थियो भने कार्यक्रम संचालन सचिव दिपक कुमार न्यौपानेले गर्नु भएको थियो ।
संस्था स्थापनादेखि हालसम्मको अवस्थाको वारेका संस्थाका पूर्व अध्यक्ष उद्धवप्रसाद चौलागाईले जानकारी गराउनु भएको भने सो कार्यक्रम संस्थाका अध्यक्ष प्रमोद घिमिरेको अध्यक्षतामा सम्पन्न भएको थियो ।