छविलाल जोशीलाई बयानका लागि काठमाडौंमा
काठमाडौं । सहकारी ठगी प्रकरणमा पक्राउ परेका पूर्व डीआईजी छविलाल जोशीलाई बयानका लागि काठमाडौं ल्याइएको छ । हिजो नै उनलाई बयानका लागि पोखराबाट काठमाडौं ल्याइएको काठमाडौं प्रहरी प्रमुख वसन्त रजौरेले जानकारी दिए । कुमार रम्तेलको बयान सकेर पोखरा पठाइएलगत्तै जोशीलाई बयानका लागि ल्याइएको हो ।
गोर्खा मिडिया नेटवर्कमा आएको सहकारीको रकमबारे अनुसन्धान गर्न जोशीलाई पक्राउ गरिएको थियो । सोही प्रकरणमा पक्राउ परेका पूर्वगृहमन्त्री तथा रास्वपा सभापति रवि लामिछानेलाई जोशीको बयानपछि मात्रै ल्याउने तयारी काठमाडौं प्रहरीको छ । रविसहितका केही व्यक्तिलाई पक्राउ गर्न काठमाडौंबाट पनि पक्राउ पूर्जी जारी भइसकेको छ ।