फिल्म ‘परालको आगो’मा अभिनेत्री सुहाना थापा अनुबन्धित
काठमाडौं । कथाकार गुरुप्रसाद मैनालीको कृति ‘परालको आगो’मा आधारित रहेर निर्माण हुने फिल्म ‘परालको आगो’मा अभिनेत्री सुहाना थापा अनुबन्धित भएकी छन् ।
निर्माता कम्पनी हरिओम सिने मेकर्सको तर्फबाट सुशिल पोखरेल र थापाबीच लिखित सहमति भएको छ । मैनाली कथा पुरस्कार ट्रस्टले केही दिनअघि फिल्म निर्माणको अनुमति दिएको थियो । ‘परालको आगो’ मैनालीको कथा संग्रह ‘नासो’मा संग्रहित छ । फिल्ममा सुहानाले कथाको प्रमुख पात्र गौंथली पात्रमा अभिनय गर्दैछिन् । मुख्य पुरुष पात्र चामेको भूमिका कस्ले गर्नेछन् यसबारे निर्माण पक्षले खुलाएको छैन ।
लक्ष्मण सुनारले निर्देशन गर्ने यस फिल्मको प्रदर्शन २०८२ सालको दशैंमा तय गरिएको छ ।
