नेपाली बजारमा सुनको मुल्य आजपनि घट्यो, तोलाको एक लाख ४८ हजार ७ सयमा कारोबार
काठमाडौं । नेपाली बजारमा सुनको मूल्य आज पनि घटेको छ । आज सुनको मूल्य तोलामा २६ सयले घटेको हो ।
नेपाल सुनचाँदी व्यवसायी महासंघका अनुसार आज छापावाल सुन तोलाको २६ सयले घटेर प्रतितोला एक लाख ४८ हजार ७ सयमा कारोबार भइरहेको छ । यस अघि सोमबार तोलामा एक लाख ५१ हजार ३ सय रुपैयाँमा कारोबार कारोबार भएको थियो । सरकारले भन्सार महसुल घटाएसँगै नेपाली बजारमा सुनको मुल्य घटेको छ । आइतबार सरकारले सुन आयातमा लाग्दै आएको २० प्रतिशत भन्सार महसुल घटेर १० प्रतिशतमा झारेपछि सुनको मुल्य घटिरहेको छ ।
त्यसैगरी, आज चाँदीको मुल्य पनि घटेको छ । महासंघको अनुसार आज चाँदी प्रतितोला २५ रुपैयाँले घटेर १८२० रुपैयाँमा कारोबार भइरहेको छ ।