रामेछापमा गाडी दुर्घटना हुँदा पाँच जनाको मृत्यु
काठमाडौँ । रामेछापमा गाडी(सुमो) दुर्घटना हुँदा पाँच जनाको मृत्यु भएको छ भने ३ जना घाइते भएका छन् ।
रामेछापका प्रमुख जिल्ला अधिकारी राजु प्रसाद पौडेलका अनुसार काठमाडौँबाट छुटेको ना १ ज ७१२३ गाडी गोकुलगंगा गाउँपालिका ६ को बेतालीमा दुर्घटनामा परेको हो । शुक्रबार काठमाडौँबाट रामेछापको बेतालीतर्फ जाँदै गरेको सुमो गोकुलगंगाको फर्पु जिरोकिलोबाट नमाडीतर्फ जाने बाटोमा सिमखोला भन्ने स्थानमा दुर्घटना भएको हो ।
सुमो दुर्घटनामा गोकुलगंगा गाउँपालिका-४ का वडाध्यक्षको मृत्यु भएको छ । दुर्घटनामा परेर वडाध्यक्षसहित अन्य पाँच जनाको घटनास्थलमै मृत्यु भएको प्रहरीले जनाएको छ ।
प्रहरीका अनुसार गाडीमा ८ जना सवार थिए । अन्य तीन जनाको उद्धार गरेर अस्पतालतर्फ पठाइएको छ ।