कीर्तिपुरमा कांग्रेसका उम्मेदवार डंगोलले गरे मतदान
काठमाडौँ । नेपाली कांग्रेस कीर्तिपुर नगरपालिकाको मेयरका उम्मेदवार कृष्णमान डंगोलले मतदान गरेका छन् । यहाँ २० स्थानमा नगरप्रमुख र दुई वडाध्यक्षका लागि मतदान जारी छ ।
मतदान अधिकृत इन्दिरा कार्कीका अनुसार नगर प्रमुख र वडा नं १ र ४ का वडाध्यक्षका लागि जारी मतदानमा नगर प्रमुखमा दलीय र स्वतन्त्र गरी २० उम्मेदवार तथा वडा नं १ मा नौ र वडा नं ४ मा १२ जना उम्मेदवार प्रतिस्पर्धामा छन् ।
नगर प्रमुख राजकुमार नकर्मी, वडा १ का अध्यक्ष हीरालाल महर्जन र वडा नंं ४ का अध्यक्ष श्यामराज अधिकारीको निधनपछि ती पद रिक्त भएका हुन् ।