निर्माणाधीन झोलुंगे पुलको पर्खाल भत्किँदा चार जनाको मृत्यु

रोल्पा । रोल्पामा एक निर्माणाधीन झोलुंगे पुलको पर्खाल भत्किँदा चार जनाको मृत्यु भएको छ भने एकजना बेपत्ता भएका छन् ।

मृत्यु हुनेमा दुई पुरुष र दुई महिला रहेका छन् । आइतबार बिहान सुनछहरी गाउँपालिका वडा नम्बर ३ स्थित बाहिरी गाममा बनाइँदै गरिएको पुलको पर्खाल भत्किएर पुरिँदा सोही ठाउँका ४५ वर्षीय दुजमन परियार, ३१ वर्षीय ओम परियार, ४० वर्षीया सुबित्रा परियार र २७ वर्षीया आईती परियारको मृत्यु भएको स्थानीय प्रहरीले जनाएको छ ।