एकै दिन ३-३ वटा नेपाली चलचित्रमा नायक र स-नायकको भूमिकामा अभिनय गर्न मौका पाउने ‘श्याम मगर’ को हुन ?
काठमाडौँ । युवा व्यवसायी श्याम मगरले नेपाली गीतहरू ‘आजै भन मनका कुरा’, ‘साली भेना’, ‘दशै गीत’, ‘हेर्दा हेर्दै’, ‘आ है आ है’, ‘छड्के नजर’ले लगायत दर्जनौँ म्युजिक भिडियोमा अभिनय गरिसकेका मगर नेपाली सिनेमा क्षेत्रका एक उदाउँदा कलाकार हुन ।
नुवाकोटमा जन्मिएका मगर सानैबाट अभिनय गर्न रुचि राख्थे । अभिनयमा निकै रुचि राख्ने मगरले अफुलाई दर्जनौँ भिडियोमा अभिनय गरेर आफ्नो अभिनयको परिचय नेपाली सिने संसारमा दिइसकेका छन् । पछिल्लो समय नेपाली फिल्म क्षेत्रमा कलाकारहरूको अभिनय नै फिल्मलाई हिट गराउने मुख्य माध्यम बनेको छ भनेर प्रमाणित हुन थालेको छ । अब कलाकारको अनुहार मात्र देखाएर फिल्म चल्छ भन्ने कुरालाई फिल्म निर्माताहरुले भुलिसकेका छन् । किनभने अभिनयमा दम भए जस्तो पनि फिल्म दर्शकले मन पराउँछन् भन्ने कुरा फिल्म निर्माताहरुले अब चाही बुझिसकेका छन् ।
सोही कुरालाई मध्यनजर गर्दै नेपाली फिल्म क्षेत्रमा पाइला चाल्न सुरु गरेका मगरले आजबाट नै मुहूर्त सुरु गरिएका नेपाली फिल्म ‘प्रेम गीता’ त्यस्तै ‘ताराहरू’ र ‘घर संसार’ लगायत फिल्ममा पनि साइन गरी सकेको छन् । एकै पटक त्यो पनि एकै दिन ३-३ वटा नेपाली कथानक चलचित्रमा नायक र स-नायकको भूमिकामा अभिनय गर्ने मौका पाउनु चानचुने कुरा होइन ।
